السلام عليكم
هذي اول مشاركه لي بمنتدى الصفران
واهدي هذي القصيده للويبار عامه ولعيال شويش خاصه
اليوم رابع يوم مامن علومي=ولاطارش(ن) من يمهم يدي اخبار
قم يامخيلف واركب اللي تزومي=بي ام جديده ماتدنيها الاخطار
فول من الدوحه عساها تدومي=دار ابو مشعل مكرم الضيف والجار
امش العصر قبل الغياب العتومي=لاجيت منفذنا تحيه ومقدار
ثم تلها يابن الرجال الحشومي=وافطن تعرض لك مجاهيم واغتار
تسع مية كيلو اقف شوف واومي=على يمينك ديرة عيال ويبار
حمد وحامد طيبين العلومي=بالمرجله ماقصروا نسل الاحرار
واليا قضى بك واجبك واللزومي=عليك من باريك تسهيل واستار
لا جيت الاردن ديرة(ن) للرخومي=ديرة خنا مايسكنه كود عيار
احذر بمنفذهم يصيبك سقومي=واصبر تراهم مايحشمون الاخيار
لاجيت للجابر ديار الزلومي=ارخ الريال ويرتخي كل مختار
وانص الشمال اللي هواها نعومي=واد التحيه لاتخايلت سنجار
لاجيت للموصل ديار الحزومي=ام الربيعين وعذيات الاقفار
ميه وعشرين العدد ومحسومي=يمناك ابو راسين ومكحول يسار
تشوف مايجلا الكدر والهمومي=ورد(ن) وبيبون(ن) وشيح(ن) ونوار
دار المنيع المكرمين القرومي=هلي هلا اللحيسى صناديد واحرار
تركي ونواف العيال السحومي=راحوا وخلوني على صالي النار
من عقبهم قامت ترادم همومي=واسوق رجلي لاتطارتهم اخبار
العين عيت بالمضاجع تنومي=وفي مقعدي كن فيه شوك(ن) وصبار
اسلم وعطهم يامخيلف علومي=وهات الخبر من دار وافين الاشبار
متعب المنيعي
نسل الاحرار
العرض العادي
