ياراكــبن من فـــوق عـجـل المطاريــــــش @ كامل مكمل تو صنع اليهودي
يارسـل سـلـام لـي على حـامد شويـــــش @ سلم عليه أعداد رمل النفودي
مانـمـدحـك يالـقــرم من شـان بخشيـــــش @ مار أنت علمك للرجال محمودي
والـمـدح مـايـرفع أشبـاه الخـفـافيـــــش @ والا ترى الطيب بمدحه يزودي
والمــرجــلـه مالـه حــدودن ولا قيـــــــش @ واللي يبي العليا ينط السنودي
والــرس مـايــروي الكــبود المعاطيـــــش @ مايرويه ياكود جم العدودي
والنـجـر ماهو مثل صـوت المهابيــــــــش @ وبالمعركه دايم يهج الشرودي
وياصــار مامـنصـور يـفـزع لـدرويــــــش @ بالعون مامن فزعة بالحـــودي
وأنا نـصيـتك يازبــون المــداغيــــــــش @ حملي ثقيل حيل حملي يكــودي
ومن القــهــر شربت سم الحنافيـــــــــش @ ودمعي جرى يالقرم فوق الخدودي
كني سجــينــن عنـد حـمر الطرابيــــــش @ مثل السجين نقيدن بالقيــــودي
وترنــي وحـيـدن لو يـقـولـون حتيـــــش @ وين الفزع يأهل الفزع والجرودي
حفيــت ذلولـي بالســرى والمغابيـــــش @ يافود عوجان النثل صار فــودي
ياصار هذي عيشتي كـيـف أبا عيــــش @ تكفون فكو يأهل الخيــــل ذودي
والعين تدمـع فزعـت الخـشـم يانيـــــش @ وشلون أبشرح قصتي له بنــودي
يــاصـــارمازملـــي يفـك القراميـــــــش @ البــيــت مايـبنـى بـليـا عمــــودي
وأن طبت بي ياشوق نافض عكاريـــش @ مايجحد المعروف غير الجحــــودي
والرجــل مايمـدح بــلبـس الدشـاديــــش @ ياكود رجــال يــشد العضـــــودي
وباللازمــه ياشــوش القـلـب تشويــــش @ تبين صـيــدات الفـهـد للفهـــــودي
وأنـا ما أحــب أبلـش النــاس تبليـــــش @ لاكن ظروفي جعلها ماتعــــــودي
مامن سلامـــه لـو يقــولـون بالريـــــش @ أشكي عليك الحال باحن ســدودي
كني كسيرن طاح في لقوة الجيــــش @ ولحدن ذكرني ياما شافو قعــودي
والنـــاس جابو فــودهم به دناديـــــش @ وأنا وقف لي دون فودي حسـودي
ناس تحــاقــرنـي ونـــاس بتطنيـــــش @ وضاعن حيالاتي وفضوا جنــــــودي
وسـمـعـت عـدواني غدا له لواليـــــش @ تغرضـــوا مافــيه قلبــــــــن ودودي
ناس لضدي تلعب الشـيـش والبيــــــش @ وش عاد لوجد العرب من جــــــدودي
وكلن ينـاظـرنـي ولا حد نشد ليـــــش @ وكلن يقول النار تاكل وقــــــــودي
وأنا جـداي أدفـش الوقت تدفيـــــش @ وشكواي للي ماسواه معبــــــودي
للشاعر / زبن عايد الوبيري الشمري
زبن عايد الوبيري
العرض العادي
