تفخر بهم شمر
هذه القصيده للشاعر عويد المغيليث حبيت انقلها لكم
دام الفرح لاهل الوجيـه المطاليـق
ومشاركتـنـا نعتبـرهـا قليـلـه
اعزهـم وافـرح لهـم يالمخاليـق
معزتـي ماهـي بـيـوم وليـلـه
حسينات دايـم صاينيـن المواثيـق
رجالهـم بالكـون ينطـح قبيـلـه
وان قلت ديلم فوق راس الشواهيق
خطلان الايـدي ماتحـب الهزيلـه
في ذكرهم نحتاج وقفـه وتصفيـق
اهـل العلـوم الطيبـه والجميـلـه
هم فرحة المضيوم في حزت الضيق
الياضاقـت الدنيـا ولافيـه حيلـه
هم مزبن اللي من الوزا ناشف الريق
حسينـات مجـلا ماتخلـي دخيلـه
الطيب مكسب والمكاسـب توافيـق
والحمـدلله كاسبـيـن الوسيـلـه
وان ذكرو الحتمـول عـز بتواثيـق
منهو زبنهم صـار باعـلا طويلـه
حتمول يعنـي عـز ماهـم تلافيـق
مثل الذهـب ماعـاد نبغـى بديلـه
امجادهـم ماتنحصـي بالطواريـق
نالـو مكارمهـم بعـز وفضيـلـه
تفخر بهـم شمـر وللهرج توثيـق
واللي جهل فعـل النشامـا هبيلـه
ومحمد الحتمول فعله كمـا طويـق
راسـي وطـول الوقـت لامايزيلـه
المدح في شـرواه ماهـو بتلفيـق
فعلـه قديـم وكـل شمـر تخيلـه
واختامها ندعـي لكـم بالتوافيـق
الله يحفظكـم يـاحـزام القبيـلـه
|
العرض العادي
