هذه المشاركه ردا على موضوع الاخ حامد شويش
فحبيت ان افردها بموضوع لوحدها لطول المشاركه
علما باني لست من قبيلة الويبار
ولكن علومهم الغانمه جبرتن على مدحهم
بالقاف والمعنى وترتيب الاوزان=حبيت اشارك بين ربع وعشيره
شمر لشمر يادبرت غبر الازمان=نعمٍ بهم واللاش يطلع حفيره
نطاحة الكايد على حرد الايمان=قومٍ بنو في هامة المجد ديره
الفكر زان وللتماثيل طربان=لو عاضب المعنى لوينا عسيره
ان كان بالقيفان وارد وضميان=عدك على هداج يلطم هديره
هدير وديانٍ تقفاه ودان=ساقه هوى الغربي وتوحي صفيره
سلام لاهل المنتدى عقب صفران=اللي لهم بالطيب منهج وسيره
سلام مامال الهوى عوج الاغصان=وعد الشجر واعداد ماطار طيره
من قلب مخلص ماعرف هرج نقصان=واخلى تحيه معطره في عبيره
قريت موضوع له الشعر عنوان =معناه مدحٍ بالوجيه السفيره
نعمٍ بهم وصامل العرف برهان=بهم على فعل النواميس غيره
دور المغازي يوم روغات الاذهان=عدوهم مانام عينه سهيره
منهم ندا حرٍ نداوي بليهان=يادوبحت صم الحوافر مغيره
مركاضهم يشبع به الذيب سرحان=ريف القرابه وللمعادي سعيره
علمه شهر مثل الجدي شوف الاعيان=ماتجحده كود النفوس الحقيره
وابن هباس شيخٍ من روس شيخان=من لاذ به يلقى السعد هو نصيره
زيزوم يازام بالسطر شاش ضرمان=كم راس شيخ ذاق كاس الكسيره
لو ابي اعدد طال بالشرح قيفان=لو كان بحر القاف عندي محيره
نعمٍ بهـــم
العرض العادي
