ديوان حمود العبيد

السلام عليكم ورحمة الله وبركاته


ارجو من اخواني الاعضاء ان يكتب كل مايعرفه عن الامير حمود العبيدالرشيد

من قصص واشعار لنكون له ديوان عن حياته واشعاره

وسوف ابدا انا بـــ تعريف عن حمود العبيد الرشيد




هوالأمير حمود بن عبيد بن علي بن رشيد احد الفرّّيس والشعراء المشهورين في نجد والجزيرة العربية

ولد مابين 1255هـ 1265هـ تقريباً

وهو أحد أبناء الأمير الشاعر الفارس عبيد العلي الرشيد


وأمه هي عبطاء بنت هندي القويعي

وله من الأولاد تسعة أولاد هم


1ماجد 2مهنا 3عبدالله 4فيصل 5 سالم 6 سلطان 7متعب 8 سعود9عبيد



و لم يبقى له نسل من الأبناء الا من ابنه عبيد وهم في أيامنا هذي أبناء وأحفاد

سليمان بن عبيد الحمود العبيد العلي الرشيد .


الابناء ( محمد - ضاري - سلطان - خالد - سعود - فيصل – سطام)

ارجو ان لايكون فيه اي غلط فيما ذكرت




الحيران

هذه مرثيه للأمير حمود العبيد الرشيد في ابنه

عبداله ويقال ان كان الناس يسمونبالاسم عبداله وماهو بوقتنا الحاضر عبدالاله

عبداله قتل امام حمود العبيد


وتأثر مره في موت عبداله ومن شدة تأثره وحزنه على عبداله كان سبب بموت حمود العبيد


اخذ الامير ماجد الحمود والده حمود للبر في العانقه لليخفف عليه من الحزن ويوسع صدره

وفي العانقه وجد الامير حمود العبيد قبر وجلس عنده


وقال القصيده هذه





كيف القبـور الدارســه والجــديــه @ لاعين لاروض به العشب ممطـور
لياشفت قــبره حــن قلـبـي يريـه @ حنين عطشان على الورد مقهـور
العـــاجزه ماهــا وضـلــعـه وغــيــه @ ماشاقني به غير قبر تحت صــور
لوكان انـا مادري مــن ايــا بـديـــه @ لكن عبدالـه بـه اليـــوم مــقـبـــور
يامنتهي شكواي بيـت القصيــه @ واقلبي الي تقـل يصـلـــى بتنـــور

ايضاً هذه لحمود العبيد يرثي ابنه عبد اله :






عزي لعينـي مـن بليـل وفيحـان
هم والطيور وكـم سيـف وتفقـان
والخيل وركابـه يعرفـه فنيسـان
يامنتهـى شكـواي يابـو سليمـان
لو كان لي به من هوى النفس خلان
ركيابه لايركبـه كـل مـن كـان







هذا رد ماجد الحمود على ابوه حمود العبيد



دنياك هذي مثل ماقال مشعـان
قريت علي كل التواريخ وايزان
وين ابو بندر وين متعب وعبدان
خلتهم الدنيا شتـات ونجـران

ايضا حمود العبيد يرثي أبنه عبد اله :...






ماينعـا خيّـرولا لـه ضويلـي
الحزن جلّ عن البكا والعويلـي
ننعـا لعبـدالله بحـق جليـلـي
لو ينفدي بالروح هو والحصيلي
يالله تعاونـي بصبـر جميـلـي
حاربت أنا حيري وحاربت خيلي
وقبل لهن عندي محـل جليلـي

الامير حمود العبيد الرشيد

يرد على زوجته بنيه و رقيه زوجة ابنه ماجد

وبنته موضي الحمود








ماهبـل منـي إلا ثـلاث سئلنـي
وعقلي دفنته فـي ليـال مضنـي
يامنتهـى شكـواي واش محـنـي
كني عضيض الغلث وأن سلت عني
قلبـي الياشـاف المقابـر يحنـي

[b]في عام 1316هـ هجم الشيخ هزاع بن شعير الدويش من قبيلة مطير ومعه سعود الفغم وصاهود بن لامي والملاعبه وجا بن غنمان على حمود بن سند وغنيم الحربي واخذوا اباعرهم وثور عليهم عبدالعزيز بن متعب سلطان : الدويش فعجز الدويش يدي منهم فغزاهم الأمير عبدالعزيز بن رشيد واخذهم وجت اباعر غنيم وسعود عرائف وذلك في السنه المذكروة فقال في ذلك الامير حمود العبيد الرشيد : -

يـا مـال هجـن ٍ مـن منـاه الغديـدي=
يفقـى ويقبـل مثـل خيـل البـريـدي=
حمولـه مـا يرخـصـون الزهـيـدي=
رجالهـم يضـرب علـى مـا يريـدي=
وراه عـن ذبــاح نـايـف يحـيـدي=
يامـن يخبـره صـار سيـر ٍ عقيـدي=
لعـل مـن يقضـب حديهـم بـالايـدي=
ويقفي منـه حـي عسـى مـا يفيـدي=
والله ماهـم كفـو حكـي او قصـيـدي=
وعرضتـهـم لمـدوريـن الحمـيـدي=
يـوم ً خطـو الشيـخ مثـل المعيـدي=
لـولا عيالـه مرشديـن وعبـيـدي "1"=
عشريـن خيـالا ً عـيـال الحمـيـدي=
ياطيـر ياللـي مـا تـعـود تصـيـدي=
الحـق بساقـه مذهبـيـن الضـديـدي=
الحمـى علينـا كـل عـام ٍ جـديـدي=
نجـدع بـه الغبطـان هـن والوهيـدي=
عـام ٍ خذينـا بـه زبــون البلـيـدي=
ومات القصيد اللـي بصـاع المجيـدي=
ديـار ٍ خذيناهـا بحـفـر الحـديـدي=
مـن فـوق شـوص ٍ كنهـن الفهـودي=
والا الحـداو والمنـى مــا تفـيـدي=
تفرقـت شـاشـات عـمـر وزيــدي=
خلق فيـاض العشـب هـو والزبيـدي=
يـا مفـرق الأنسـاب جعلـك سعيـدي=
وبدشـوه بالخكـر هـم والصمـيـدي=
وخليـق السفـار يمـشـي قهيـيـدي=

وهذه القصيده قاله عقب ماانتصروا بوقعت الصريف ،،

فقال

عزاه ياقلـبٍ مـن العـام ملهـود=
واليا ابطو الطرشان تلقـاه منكـود=
والله لـولا حبكـم يافتـى الجـود=
يالله ياللـي للمخالـيـق معـبـود=
تجعل سهمنا يمّـت الضـد مقيـود=
عبدالعزيز اللي على الحرب والكود=
عطـاه ربـه خلّـة مـثـل داوود=
من العام غزايٍ على خير وسعـود=
الله يعيـن الخيـل ويقـوي العـود=
ماكن له في حايل فـراش ماهـود=
والا فتق فتق وهـو كـان مسـدود=
شره على نفسه وحنـا لـه الـزود=
وان مامضى شيِ ترا الحكي مردود=
ليا من اميرٍِ خات بالحلف وعهـود=
وليا تمنا الحرب ماهـوب بمـردود=
ترا حربنا مثل البحـر مابهـا زود=
داخلـه مفقـود وطالعـه مولـود=
وش عندك الربع لدعيـج ولحمـود=
يقول مالي يوم أجي نجد مقصـود=
وابوه ماكبر فزتـه يافتـى الجـود=
هو مادرى ان جبالنا الحمر والسود=
وابوه ماني خابـرٍ يطلـب العـود=
غره سلاحه خمسـة آلاف بـارود=
مثل الحبوش اللي يسوقون محمـود=
نقلهم الله لين جو حول ابـا الـدود=
حاموا عليهـم بالبواريـد وفـرود=
ماله شبيـهٍ كـود فرعـونٍ العـود=
وفرعونٍ المذكور وابليـسٍ العـود=
ماهاب من ربـه ولاخـاف منقـود=
شيبان أخوانـه مصليـن وارقـود=
وان كان عند امه جنيهات وعقـود=
ونكس على قومه بخسران مفقـود=
خلوه بكويته وراحوا علـى القـود=

وهذه أيضا احدى قصائد للشاعر الأمير حمود العبيد العلي الرشيد




واحلو دلـه والحقـب والسفيفـه
والا الرسن والمير كـه فالهوايـل
تعرفه ليا شفته علـى أنـه قريفـه
ماله شبيـة ٍ مـع جميـع القبايـل
الا دهيمـان ٍ عــن الله وليـفـه
لو لاي اخبره يـوم أثـور بحايـل
حدا عيـون الكـل منهـم كفيفـه
وعقولهم كـلات ابوهـن عدايـل
قل ول عقل ٍ مثل عقـل الوصيفـه
صار العوض عن وافرين الخصايل
اللـى عطاياهـم جـزال ٍ نظيفـه
حـق لهلنـا والجـدود الأوايــل



============


وله أيضا :-




سليمان دور لي خلف من غدى الى
عقال ٍ ترى عقلي غدن ظلع عـور
أبي البسة واعطي نهـار ٍ عقالـي
تلقاه فوقه مثل تـاج البنـا طـور
راجية مثـل أبـوه قـرم العيالـي
او مثل عمه ماجـد ٍ قبلـه ونـور
لا جاء بصدري مثل رجد المغالـي
زرته وبدل واهس الهـم بسـرور
قلته وانا بـي علـه ٍ لـه ظلالـي
ولا ظنها تبرا الى نفخـة الصـور
يابو ثمان ٍ مثـل ضيـق الخيالـي
ومفارق تطـلا بمسـك ٍ وكافـور
عزن بقـول الله عزيـز الجلالـي
ورجن بدار ٍ سقفها العرش مذكور
ولا الامـور الاولـه والتـوالـي
شحت على داري وكسرى وصابور

الأمير حمود العبيد الرشيد يتهدد راكان بن حثلين
شيخ العجمان : -


قولٍ بلا فعلٍ بـه النـاس تَقْفَـاك
والحكي ببلاشٍ وشـرب القهـاوي
غديـت مثـل أقْـذَار الله يـبـلاك
وعرّضت يامٍ للمحـن والبـلاوي
كم واحدٍ في جرّتك صـار حـوّاك
من عقب ما هو من بعاد المراوي
قصيدك اللي يا ابن حثليـن خـلاّك
تضرب على طاش البحر ماتـراوي
أذهبت يامٍ فـي قصيـدٍ بحِمْـرَاك
وبعته برخصٍ عقب مانتب غلاوي
عقب العِصَاية والتعرض بالأمـلاك
تَحَلَلّه مـن حمـد ربـك هنـاوي
لولا سعـودٍ جابكـم يـوم جـلاّك
تموت وانتـه كـان دومٍ جـلاوي
وقصيدتك بالطير خلّـت رعايـاك
تحت نحور الخيل قـرعٍ مهـاوي
ماجاك شيء إلا بثر فعـل يمنـاك
وإلا بكثر الحكي هـو والحـداوي
وإن طعت شوري حط حكيك بمعناك
ولا تصيـر بكـل حـالٍ فــداوي
ترى التّفَدْوي ذمّـه الله لشـرواك
بالهدي مذمـومٍ ذبيـح الكـراوي
ذا قولْ من لاهو من الناس يـدراك
لاهـو هتيمـيٍ ولاهـو حسـاوي
ماسال عن راسٍ به الزوم شرواك
بالمجمعه بظلال عطـب الأهـاوي
وإن كان تبغي النصح حنّا نصحناك
وإلا فراعِ النار بـه لـك مكـاوي
ومك على اللي يوم حمّـا تنصّـاك
وخلاّك تمـرح بالتّقيعِـي خـلاوي




---


(( الامير حمود العبيد و رحيّان ))


(( رحيّـان )) هو سيف ابن عدوان وهو من الجنس الفارسي المسمى خريسان، وقد كان الأمير حمود العبيد الرشيد يريد ذلك السيف لما يمتاز به من جودة الصناعة وصلابة معدنه، فقال-رحمه الله- هذه القصيدة مخاطباً عبدالمحسن السيف يقول فيها : -





ما اريد كتبٍ لك ولا ريد غرْضان @ إنته بحلٍّ مـن بُوَاقِـي حقوقـي
باغٍ مْنَكْ يا ابـو محمـد رحيَّـان @ مالي من الحاجات كـوْد الدّفُـوقِ
نفسي تحب من الصِّيارم خريسان @ إلى عاد ما به يا ابو صالح طبوْقِ
اِشْره وكِـزّه لا تَدانَـى بالأثمـان @ مانا بحال الـزود باللـي يلـوقِ
مبْطِي وأنا شَفِّي بسيف ابن عدوان @ بغاه أبـوي ولاحصـل بالوفـوقِ
أنا على نَقْلة هَكَ الشِّرْث شفقـان @ أريد أحاول بـه خَطـاة البيـوقِ
ليتك تشُوْفَنْ يوم موْجَات الأذهان @ والسيف بِي يمناي والدِّرع فوقـي
إلى اختلط عـجّ السبايـا لدخَّـان @ لزْماً تخلّى يا ابو صالح طْرُوقـي




---


(( الأمير حمود العبيد .. وطالب الهديه ))


قدم على الأمير حمود العبيد الرشيد رجل فطلبه هدية من كسبه في إحدى غزواتهم في عهد الأمير محمد العبدلله الرشيد فإذا بمحمد وقد تأخر على حمود في إرسال عادته مما كسبوه من الغنائم فقال هذه الأبيات:





ابطـى علـيّ محمـدٍ بالبعـاريـن @ منين نعطـي كـان هـو ماعطانـي
يامن خبر يحذي وهو ماكسب شيـن @ ياكود ابن ناحل* ابماضـي الزمانـي
خلف عطا من غالي المال ياحسيـن @ علّـه يخلّـد فـي نعيـم الجنـانـي
صمايـلٍ ماهـي سوالـف دياويـن @ وجهه يباشـر بالعطـا كـل عانـي
رجلٍ عليـه الله و الأجـواد راضيـن @ وراعِ الحَسَاني ينجـزي بالحسانـي
قلـت الكـلام ولاهدفنـا مخاشيـن @ إلا الصحيح اللي هرج بـه لسانـي
حنّـا لمـن يافـي بعهـده وفيِّيـن @ وصديقنـا يبشـر بعـزٍ و أمـانـي
ومن شان تطلع له هل الماقف الشين @ وعيبٍ على اللـي يتقـي بالطمانـي
وبأفعالنا تشهـد شيـوخ وسلاطيـن @ حنّـا الضياغـم وأصلنـا بقحطانـي




(1) أبن ناحل : - من شيوخ بني سالم من حرب عرف عنه الكرم والشجاعة حيث روي عنه أنه عاد ذات مرة من الغزو ولم يكسب شيئاً ووجد في بيته أناساً ينتظرونه ويريدون الأعطيات كما عودهم فأبى أن يعودوا الى أهلهم بلا شيء وأعطاهم من إبله التي عند أهله فكان مضرب المثل لمن عاد من الغزو بخفي حنين وأعطى .

---


(( نـجـدٍ ملكنـاهـا من الطـاف للطـاف ))


كان للأمير محمد العبدالله الرشيد(المهّاد) علاقةٌ استثنائية بأخوه من الرضاع وابن عمه الأمير حمود العبيد الرشيد وكان كل منهما يكن للآخر حباً قلما تجده بين الأخوة الأشقاء، ومن ذلك أن حمود كان هو المؤيد والعامل المساعد الأول في استلام محمد مقاليد الحكم، و قد كان محمداً مغرماً بقصائد حمود الحماسية والحربية فقال لحمود اترك شعر الغزل حتى لايطغى ذلك على الجانب الآخر من قصائدك فتجنبها حمود فترة من الزمن إلى أن تزوج إحدى بنات عمه ..... فأنشد فيها هذه القصيدة ممازحاً ومشيراً إلى ماحدث بينه وبين محمد العبدالله ( رحمهما الله ) : -





والله يالولا ذلّتـي مـن محمـد
لأقول بك قولٍ يضرّب بالأوصاف
ياللي على وجهك كسرنا اليمامه
نجدٍ ملكناها من الطاف للطـاف
يابو جديلٍ مثـل ريـش النعامـه
ما فوقها كود الغوازي و الأنصاف

وله أيضاً هذه القصيده واللي يقول عن فرسه ويفتخر فى نسبها : -





لى مهرة من حمد ربك والاحسان
لاهيب لا زرج ولا هى مجنـون
متخيره من خيل زعب وعـدوان
ابوى ماهى من تـراث العفـون
جداتها حمـرا طـلال وراكـان
واخوه حصان سعود موف الديون
بنت الكحيلـه والعلـوه عبيـان
كثير خيـل النـاس منهـا ودون




.