همن براني لاف قلب الشقا لوف = لوف الهوا لغصون سدرن متثني
عوده على ميهاف ياهب عاصوف = اومت غصونه وبالهوا شلعني
لو كنت عارف مسكنه محجر الجوف = لاقول قلبي ياعرب ضاع مني
ومن لامني ياعل مايبرح الشوف =يعطى العمى واقدامها يثبرني
ماجاه من تصريف الايام بصنوف=ذيبن على الكبسات ياقلطني
والي بذل للمجد ركضن بلا وقوف=عليه صفحات الزمن يشهدني
المرجله ما تقنصه لحية الخوف=تبي شجاعن مايهاب ويكني
اسراج ذيبن غيبت الشمس مشيوف=نط الطويله مهرفن مارجهني
يبي العرب بضلامت اليل منحوف=سبع الخلا سرحان مايستكني
والا الردي كوبان ماجفل العوف=قدره مع الخفرات يوم الفحني
يسوق ساقه لردى دوم ملهوف = حيات دودن بالفطيس متهني
ومن لاتقدا طاح في غبة الطوف=تلعبه ارياح الزمن ياصفقني
دنيا مماشيها كما حد مرهوف=ياسرع ماعوج اليالي لفني
ماباش نلحقبه محاصيل وشفوف=احلام ليلن عشتها وازعجني
لي غايتن دونه لواليس وضروف=حبايلن تبرم على غير ظني
هلا الدسايس منكرت كل معروف=ناسن يديها بالدنس مايخفني
لو قلت صلوا خلفه الناس بصفوف=هيئه بشر يخفي حركات جني
قلبه يهودي من هوى الدين مغروف=عليه من السيات مليون طني
زرعن غرسته في رجا الترف مجفوف=ماتت زهوره بالحسد واذبلني
صبرن صبرته طال والصبر مكلوف=هذي ثلاث سنين منها ومني
بنتن جماله ناف يامسندي نوف=مايريح قلبن في هواها امتعني
مالامحت يامسندي كل ملقوف =عين المهات الي سواده فتني
رمشه تقل للموت دقة له دفوف =يرقص لها قلبي على كل فني
ريميتن ترعى زماليق قفقوف=سيوف الهوى بصبي عينه برقني
ياشفت خصره قلت جايع ومنحوف=وياشفت ردفه خالف الردف ضني
وجدي عليها وجد من طاح منقوف=خلي طريحن بالعماره امتثني
يوم ان جموع القوم طوفن بثر طوف=عليه طفقات السبايل وطني
الشاعر / عوض حاشـم الشمري
قصيده للشاعر عوض حاشم الشمري
العرض العادي
