يامرحبا والفين والفين والفين=مع مثلهن وعداد وبل الخيالي
وعداد ما مر الحرم من مصلين=بالصاحب اللي له معزه وغالي
من ماضي الايام غالي وهالحين=زاد الغلا للذيب قرم الرجالي
سالم عريب الجد غالي من سنين=انا اشهد انه من كرام السبالي
لا اقبل مسير تبي تفرح العين=وان غاب عني شان وجهي وحالي
من ربعي الصفران زبن المجلين=نطاحت العدوان يوم القتالي
صفران لاطبوا بوسط الميادين=عدوهم لاشك عمره زوالي
صفران يوم الكون بالحيل عسرين=صفران قدم القوم ماهي بتالي
صفران بالعركات صلفين صلفين=عدوهم لاجوه شاف الهوالي
صفران شوكه في حلوق المعادين=عدوهم راسه يصيبه هبالي
صفران لاجو للجبل غصب(ن) يلين=بايدينهم هدو كبار الجبالي
من غير نقص(ن) بالرجال المسمين=كل(ن) خذا قسمه بذيك الليالي
وصلاة ربي عد مانجم(ن) يبين=وعداد ماهب الهوى من شمالي
على النبي اللي لفى الناس بالدين=شفيعنا بيوم(ن) تشيب العيالي
اللهم صل على محمد وعلى اله وصحبه اجمعين
وســـــــــــلامـــتــكـم
ابو عبدالله الوبيري
ردي على ابو المياسة
العرض العادي
