راكب الي يطوي الخـط بعيـد المـدى=عايزً وصفه بالاوصاف مالجنسه لـدي
كان دق السلف والصوت بلحونه شـدى=لو همومك كبر الاجبال تنهـج وتغـدي
صافي صوته اليا دق مابصوته صـدى=كنّ صوته ليشتغل صوت همّال بـردي
جيب لاندكروز بطـران ماذكربـه ردى=يستحق المدح والسب مـن حـق الـردي
اشتهر صيته مثل صيت ضاري أو ندى=أو مثل هايس بالاذكار والا بـن جـدي
ان جلبتـه قيمتـه فيـه ماتنهـج سـدى=وان قنيته قنوت العّـز موتـر يابعـدي
اشهد ان الزيـن بيّـن ولاعنـه مغـدى=يابعد حيي بين الزيـن مايخفـى الجـدي
من مصانـع طوكيـو واردً مستـوردى=حلـو كشنـه ياتمعنّـت والشـي البُـدي
نصّه الي فاتـح البـاب دايـم مايعـدى=وسـط بيتـه للمساييـر دايـم مجلـدي
العشا ياجيت تلقـاه وان جيـت الغـدى=الوليمه قبـل تنصـاه عنـد الاجـودي
ذي عوايد طيّب الساس وريّـث النـدى=شاهدلـه والاجاويـد غيـري تشهـدي
كـنّ بيتـه للمساييـر مثـل المنـتـدى=وافي مجبول للطيـب معطـى ومهـدي
اشهد ان فهيد بعيد عـن حكـي الـردى=لو مدحته ماتوصلّت لـو جبـت جهـدي
طيّب يركض ورى الطيب مبطي من بدى=من تمرجل يتعب الطيب ماهـو مُبتـدي
مامدحته من غلا لأ مـا هـاذا الجـدى=والا ابو سلطان غلاه مـن غـلا ولـدي
من سلايل لابـتً حـي قـوم تحمـدى=ربعي الصفران ماقيـل يـدّون الـودي
قصيدة الحلو المروب بالشيخ فهيد الهباس
العرض العادي
