مبـداي باسـم مكلـف الانــس والـجـان=وجعـل لهـم مـن بابـه الــرزق مـامـول
اللـي جعـل كــل الخـلايـق لـهـن شــان=وسمـا السنـه فـي كلمـة العـام والحـول
يــوم الـجـزا نطلـبـك يــارب غـفــران=فـي موقفـاً كــل ٍ يشـاهـد بــه الـهـو ل
ومــن بـعـد ذكـــر الله نـبــدا بقـيـفـان=تـوه جـديـده مابـهـا ســرق و سـمـول
من جاش مـن عنـده لـلا مثـال ميـزان=ماينـطـق الكلـمـه عـلـى غـيـر ديـلــول
يـخـاف مــن نـقـصٍ يلاحـظـه فهـمـان=او كـلـمـةٍ يقـولـهـا خــطــوا دعــبــول
عفن اللسـان اللـي تقـل حكـي سكـران=يغـوص بالكلـمـه تـقـل حـكـي مشـلـول
مـن خلقـت المخلـوق للشـعـر وجــدان=وبيـن المـلا معـروف للشـعـر مفـعـول
وكلفـت بــه ربـعـاً لـهـم بالـوفـا شــان=ومعـروف بالعالـم رسـالـه و مـرسـول
الـكــل مـنـهـم للـسـفـر قـبــل هـيـمـان=جميعهـم قالـوا لـي ابشـر عـلـى طــول
وركبو اعلى عوص النضـا قبـل الاذان=مـثــل شياهـيـنـاً تـقـافــاً ورا الــجــول
قبـل صـلاة الصبـح يمشـن مـن العـان=مـع ديـرةٍ كـلـه صحاصـيـح و سـهـول
عوص الركاب اللي تقل وصف غزلان=ياشاهـداً بـارض الـخـلا حولـهـن زول
كسب الجـدود مـن العـدا يـوم الاكـوان=بـنـات حــراً جـابــه الـشـيـخ هـذلــول
مـتـنـحـراتٍ دار طـلـقـيــن الايــمـــان=دار الطـنـايـا مــدركــة كــــل مـنـفــول
شمر هل الطولات مـن مـاض الازمـان=بـارض الجـبـل لـهـم مداهـيـل ونــزول
حـايـل مـقـر جـدودهـم بـــد الاوطـــان=مايجـهـلـه يـاكــود ضـايــع ومـهـبــول
اهــل الـوفـا مـاهـم لـلاعـهـاد بـوقــان=ياعـاهـدو يـافـون مــع كـــل مـسـئـول
الـشـمـري مـاهــو لـلاعـهـاد خــــوان=واكبـر دليـل انــه مــن الـقـوم مقـيـول
اهـل الوفـا مــن دور حـاتـم الـيـا ذلان=ويبقـا شديـد ومعـصـم المـجـد مفـتـول
مـاهــي مــذمــه للـقـبـايـل وحــقــران=لـكـن يمـيـز صـحـة الـهــرج مـفـعـول
وياهـل الركـاب اللـي توجـه بالارسـان=ترو السراء في بعض الاوقات مفضول
وقبـل تجـون اللـي بـه القصـر بـرزان=يمينـكـم مــع درب واضــح ومـدهــول
واليـا سالتـوا ويــن دار بــن خمـسـان=كـلٍ يعـرف الــدار والـلـي بـهـا نــزول
ومـن ضمنهـم تلفـون لبيـوت ربضـان=اولـهـم الـلــي مـالـكـم عـنــه مـعــدول
يلفـن علـى بيـت ابــو غــلاب وكــدان=راضـي فهـد معـروف ماهـو امجـهـول
للضـيـف يـذبـح دايــمٍ قـــرح الـضــان=ماهو من اللـي يعشـي الضيـف بالفـول
ومـدحــاً بـلافـعـلٍ عـذالــه ونـقـصــان=مايقـبـلـه خـلـفـة زحـازيــح وزحـــول
تلـقـةن عـنـد اللـيـث بالبـيـت ديـــوان=اهـل الشـرف مابـيـن شـبـان وكـهـول
يحيي بكم حيثـه علـى الضيـف شفقـان=فـي مجلـسٍ ماهـو مـع الطـول ممـلـول
واليـاوقـف بقـدومـكـم صـــح فـرحــان=رحـب بكـم بصـخـار ماالـبـال مشـغـول
ثــم زيــن الفـنـجـال بـــدلال رســـلان=بصاف الحديد اللي على الجمر معمـول
كفافـهـن يشـريـه فــي غــال الاثـمــان=بالكـاش والابـعـض الاوقــات ممـهـول
فنجالـهـن ينـقـض تـعـب كـــل تـعـبـان=بعد السفـر جسمـه مـن المشـي متلـول
والـيـا جلسـتـو ثــم جــو الـفــرح زان=ورحـب بكـم مسـرور والهـرج معقـول
عـطـوه خـطــاً فـيــه للـمـجـد عـنــوان=وفـيـه الـسـلام اعــداد مـاهـل همـلـول
واعــداد مابالـكـون مــن كـايـنٍ كـــان=واعداد مادارت على الخلـق مـن حـول
مـن واحـدٍ لـه صـادق القـلـب ولـسـان=واللـي كـذب ملعـون خـايـن ومفـشـول
ســـلام لامـجـامــل ولافــيــه بـهـتــان=على النقـا وموضـح الهـرج مـر سـول
لـلـي نـجـح فــي كــل جــولات مـيـدان=يـــوم الـعـلـم بـايـمـان الاولاد مـفـلـول
والياظهـر صـوت العـدو بالعـجـل بــان=يا ما يتوب اللـي علـى الشيـن مجبـول
يـابـو فـهـد لايابـعـد كـــل مـــن خـــان=واللـغـز لابــده مــع الـوقــت مـحـلـول
اسمـع وقيـل الـهـرج رمـيـات نيـشـان=فــداك يـاعـرب النـسـب كــل مـبــدول
يـفـداك يـاعـرب النـسـب كــل جـابـان=واهـل الوفـا لـهـم مــلا زيــم وحـمـول
الياحـصـل ياللـيـث حـضـرات شيـطـان=عــداً عـلـى يمـنـاك وافــي امــا قـــول
مـاهـو كــلام الـلـي بـالاقـوال غـلـطـان=ويقـول عنـد الملـزمـه مـاهـو مسـئـول
وبـلـغ سـلامـي عــد سـكـان الاوطــان=واعـداد مايحصـد مـن البـذر محصـول
علـى الزميـل عمـوم حـضـراً وبــدوان=واللي حضـر معـروف يالليـث مشمـول
اهـــل الـوفــا ومـزبـنـة كـــل بـلـشـان=الـلــي زبـنـهـم راح مـاهــو امـنـيــول
مـاقــل دل وقـالـهـا الـشـيــخ راكــــان=يـاطـال شــرح الـهـرج لابـــد مـمـلـول
وصلوا علـى سيـد المـلا نسـل عدنـان=ما غرد القمـري علـى غصـن شملـول
سـار القلـم يكتـب علـى الطـرس قيـفـان= مـن شاعـراَ جاشـه مـن القـيـل مـدهـول
البـاركـر مــن صـافــي الـحـبـر مـلـيـان=بمسـطـر القـرطـاس يكـتـب ونــا قـــول
استـمـطـراً بـالـجـاس للـشـعـر وديــــان =غـد الهـن مــن كـثـر الارســال مفـعـول
تـفـتـحـن بـالـفـكـر لـلـشـعــر شـيــبــان=نبعـه يجـي مـن مشـت الـراس مشخـول
عوالـهـن فــي غـبـت االـجـاش خلـجـان=عـلـى ضـلـوع خيالـهـن غـيـم وضـلـول
يلجـبـه عـلـى صــدا الـصــوت جـيــلان=لـجـت سـرايـا الـحـرب دمـــام وطـبــول
يجذبـهـن الـدافـع عـلـى الـــرد هـويــان=جـذب الرشـا فـي جمـت البيـر مصـلـول
رداً عـلـى قــاف الـسـويـدي سمـيـحـان=قـاف عـن الهسـت مـلاحـض ومحـفـول
مـثـل الـذهـب يـوخـذ عـيــاره بـمـيـزان=صـاف خلاصـه عـن نحـاسـه ومـعـزول
وصـلـو مناديـبـه عـلـى حــرد الايـمــان=فـي قيـل الـديـب مرسـلـه لــي ومقـبـول
مــع الـركـاب الــي عنـلـي مــن الـعــان=حمـراً سـوا بالاصـل والفـصـل والـطـول
قــب الضـلـوع نحـورهـن تـقـل بـيـبـان=قـطـم البـلاسـم مــن حـصـا كــل كـالـول
ظمر البطـون مـن السـرا عقـب مرجـان=زاويـهــن الممـشـاعـقـب سـردوقـفــول
بعيـونـهـن شــعــت شــــراراً بـنـيــران=مــع اسـطــار وطـالـعـاً زيـلــت الـــزول
تـجـودو فــي خطمـهـن طبعـهـن شـــان=لـو لا صرايـم روسـهـن ســون الـهـول
شمـن هــوا بخشومـهـن ريــح شيـطـان=بعيـونـهـن ظـــل الـعـصـا يـنـقـلـب زول
خـرج الحبـاك بنسـج مـن كــل الالــوان=ودويــرعٍ مــن نـاعـم الـجـلـد مـشـغـول
هــدب سفايفـهـن تـقـل ريــش غـربـان=بيـن اريـع الظامـر مـن النفـض مفـلـزل
الـفـوا عـلــي هـــل الـركـايـب مـسـيـان=وهليـت بالمرسـل واللـي مـنـه مـرسـول
حيـيـت يالـلـي ارسـلـت هجـنـاً وهـجـان=عـلــيــه بـــــالازم مــســـدٍ ومــتــكــول
ياطـيـر شـلـوى تعـتـذر عــذر خـجــلان=مـاصـار شــيٍ يــودع الـوجـه مـخـجـول
لايلحـقـك شـــكٍ مـــن اقـــوال وهـمــان=بيـن لـي انـه شـخـص بالـزيـف منـقـول
الضرس اللي يمشي به السوس مرضان=تـــر طـبــه الـمـقــلاع يــاكــظ مـنـتــول
وراع الجـرب لـو قلـت مقـفـي وبـريـان=يـعــود لـــو انـــه مــرجــع ومـغـســول
وقـلــبٍ يـضــم الـخـبـث لاتحـسـبـه لان=سـيـم الـرشـا لازم يـجـي فـيـه شعـفـول
احـذر بـعـض نــاسٍ تصـيـدق ونـغـلا ن=يضحـك بـراس الـسـن والقـلـب معـلـول
النـاس ماهـم اجنـاس فـي كـل الاوطــان=نــاسٍ بـهـا عـقـداً ونــاسٍ بـهـا حـلــول
الله فــرق بالطـبـع مــن بـيـن الاخــوان=واحـد عـن الثانـي ماهـو فــرق معـقـول
بـه نـاس مـن شجـرت زبــاداً وريـحـان=وبـه عوشـزاً شـوكـه مــذرب ومسـلـول
فصـيـلـة الـتـربــه لـقـوهــا بـالانـســان=والادمــي مــن طيـنـة الـقـاع مـفـصـول
ارضـاً ذهـب وارضـاً صبـاخـي وكثـبـان=وارضٍ بـهــا مـعــداً قـــراحٍ وشـخـلـول
فيـه ارض يوجـد بـه مصامـد وغــدران=وتـقـا بـــه الـمــا يـــا تمـثـنـاه هـمـلـول
وفيـهـا هـيـاراً فـوقـه النـقـع مـــا بـــان=ولاتلـزمـه لــو جــاه فيـضـان وسـيــول
وارضٍ بـهـا تـضـرب مطابـيـق جـرفـان=مــن لا تـوقـع ينـخـثـع بـــه ومـخــذو ل
مــراً شـعـيـب ومـــر حـيــفٍ وصـمــان=وارضٍ بهـا الاقــدام يـاطـن بــلا نـعـول
صفـيـح الصفـصـاف مــا تشـبـه الــزان=ولحـافـه الـنـجـار حـــولاً بـثــر حـــو ل
التجـربـه والـخـبـر لـلـنـاس بـــر هـــان=انــخ المـجـر ب بالمـثـل خــل مـجـهـول
يابـو فـهـد مــن يــم ذكــرك لـلـي خــان=ماهـو علـى شـئـون المخالـيـق مسـئـول
مايشـرهـون الـنـاس عـلـى ردي شــان=والـيـوم صـاحـب كلـمـة الـحـق مـقـلـول
اناابفـيـدك ملـفـا الـلـي خــان خـســران=واخـيـر عـلـكٍ بـيـن ضرسـيـن مـتـفـول
لاتـواخـذ الـحـاقـد ترهـغـصـب حـرقــان=قــدره يـفـوح بـمـلـت الـخـبـث مـمـلـول
يـفـداك مــن يـجـزا المـعـرفـه بنـسـيـان=تقضـي يامنـه مــا لـقـا مـنـك محـصـول
ولا انـت وافـي ماتصـيـدق عـلـى شــان=حـاجـه ويامـنـه قـضـت قــال بــا لـكـول
يـابـو فـهـد مـشـكـور بـالـمـدح ومـعــان=ما شلـت عنـدك لـك مـع النـاس مشيـول
مـايـنـجـزي راع الـجـمـايـل بـجــحــدان=السلـم عنـد النـاس لـه ســاس واصــول
اسـنـد عـلـي لاتـشـيـل لـلــرد حـسـبـان=عـــداً عـلـيـه مفـتـحـاً طـــرق وخـلــول
مـن فضـل اللـي يعطـي بــلا مــن مـنـان=ربٍ غـنــي مـاهــو الـــى مـــد مـقـلـول
تمـت وصـلـى الله عـلـى نـسـل عـدنـان=شفيعـنـا فــي مـاقـف الحـشـر والـهــول
مساجلة بين سميحان السويدي وراضي الربوض
العرض العادي
