قـصيده مهداه للأخ العزيــز / فهيد بن عراك الهباس حفظه الله
ياطير سلم لي على ذيب الاخماس=الليث راع المرجله والنواميس
بيضاء تشيد باالسماء لأبن هباس=نسل الرجال محضبين المتاريس
اهل المراجل مدركة كل نوماس=طيور شلوى محرقين المحاميس
دايم مجالسهم به الخير محتاس=ودلالهم يرخون له صرة الكيس
برباعهم تلاقى المناعير جلاس=مجالسٍ ماطبه النذل والهيس
وان صاح صياحٍ شكى الضيم والباس=وشب الفتيل وولعو بالمقابيس
الحرب أعدوله ولبسوله الطاس=ياسعد من ينخا عيال السناعيس
صفران يا ركبو على قب الافراس=من بين هامات الجبل والطخاميس
كم من شجاعٍ ديس من عقب ما داس=من فعلهم تمشي عليه الرواميس
وخلفتهم يا معرب الجد والساس=عساك تسلم يا ربيع المفاليس
يافهيد يفدونك رديين وخساس = كبار النفوس اللي وجيهه معابيس
الطيب لو هو ثوب يزهالك لباس =يزهاك يانسل الحرار القرانيس
الشاعر / طلاع عايد فهد الربوض
قصيده مهداه للأخ العزيز / فهيد بن عراك الهباس
العرض العادي
