بنت الترف

الملف الشخصي · رقم المشاركة : ( 1 ) 22-12-2008, 09:46 AM

يابنت ماتفرق معك000 لاكن معي تفـرق كثيـر=معي انا تفرق كثيـر ان كـان ماتفـرق معـاك
والله مايطرد وراك ياكـود مـن عقلـه صغيـر=وعقلي انا ماهو بصغير مثلك عشان اطـرد وراك
لاجـل ملـذة ساعتيـن تبينـي لعيونـك اسيـر=ماصير لعيونك اسير حتـى ولـو كنتـي مـلاك
مايتبعك غير (الردي) وغير اللي فالدنيا حسيـر=ومايتبعك غير (الغبي) وغير اللي منه فمستـواك
وتـرا كلامـك فالبـدو يابنـت بالمـره خطيـر=وانتي بكلامك مخطيه ولازم ابيـن لـك خطـاك
لازم ابين لك خطاك مـن شـان عقلـك يستنيـر=ولاانتي ماهو من حلاك ولاانتي ماهو من حـلاك
بنت البـدو حيائهـا يعكـس تواضعهـا الكبيـر=ولاانتي يابنت الترف لاجل الترف بعتـي حيـاك
بنت البـدو ماتلتفـت لفـلان لـو انـه ضريـر=ولاانتي لو شفتي ضرير شيطانك اغواك وعماك!!!
بنت البدو تصعب على مستسهل الصعب العسيـر=ولاانتي يالسهل اليسير كل من بغى وصلك لقـاك
بنت البدو ماهمها تلبـس ملابـس مـن حريـر=ولاانتي لبسك من حرير والموضه هي داك ودواك
ابغى انصحك في كلمتين وبقولهالـك واستخيـر=ابغى انصحك في كلمتين وعسى الولي ربي يهداك
دامك (جميله) فالجمال عمـره بهالدنيـا قصيـر=لاصرتي في وسط القبر ماينفعـك زينـك هنـاك
ودامك (ثريه) فااسمعي المقتنـع شخـص فقيـر=شوفي لك واحد يشبهك خداع يغـرم فـي هـواك
شوفي لك واحد يشبهك من وين مارحتـي يسيـر=شوفي لك واحد يشبهك همـه بهالدنيـا رضـاك
البنت لاصارت كذا مع ربها (تخـون الضميـر)=ماهـي غريبـه للاسـف تطـرد ورا هـذا وذاك
يابنت ماتفرق معك لاكـن معـي تفـرق كثيـر=معي انا تفرق كثيـر ان كـان ماتفـرق معـاك

الملف الشخصي · 22-12-2008, 10:40 AM

البنت لاصارت كذا مع ربهـا (تخـون الضميـر)

ماهـي غريبـه للاسـف تطـرد ورا هـذا وذاك

يابنت ماتفرق معـك لاكـن معـي تفـرق كثيـر

معي انا تفـرق كثيـر ان كـان ماتفـرق معـاك

شعر جميل في غاية الروعه والجمال

صح لسانك

الملف الشخصي · 23-12-2008, 01:39 AM


	بنت البـدو حيائهـا يعكـس تواضعهـا الكبيـر ولاانتي يابنت الترف لاجل التـرف بعتـي حيـاك بنت البـدو ماتلتفـت لفـلان لـو انـه ضريـر ولاانتي لو شفتي ضرير شيطانك اغواك وعماك!!! صح لسااااانك يالعزووووه