مساء الخير للجميع
قد يتسائل الكثير عن سبب اختيار مثل هذه القافيه , والسبب
انه كان هناك تحدي من احد الاصدقاء وهو شاعر فقد تحداني وقال : من الصعب ان يكتب احد من الشعراء على هذه القافيه , فكان ذلك السبب وراء كتابة هذه القصيدة , اتمنى ان تعجبكم وسامحوني على التقصير مقدماً
قال الذي شعره يورده الاهوال = مثل الشعيب ليا مشى وأنحدريا
قوله ورى قول ومن عرض الأقوال = قبله من الشعار خط وبذريا
منصور قبله شاف في شعره أحوال = وراضي فهد لاقيل وصفه ندريا
وشعر العمودي يشرحونه للاجيال = والاقعم الي في قصيده بصريا
بأسم الطنايا شيدوا قصر مامال = والي نوى شمر لدمه هدريا
أبفتخر في لابتي وأضرب الجال = ومنهو يلومن لابغيت الفخريا
شمر زحازيح البراري والاجبال = وشمر سنام وبالمعارك خطريا
شمر تجود من العطايا والاموال = شمر تنومس من يريد الذخريا
شمر كرمهم للمخاليق مدخال = شمر سلايل خير شمر مطريا
شمر لهم بالوقت ممسى ومقيال = شمر سراير وجه شمر عبريا
شمر هوامير الكرم دق وجلال = شمر بداخلهم لهـــيب وسعريا
شمر بداخلهم طنى ميل عقال = غلبا تعــدل المــــايله وتعمـريا
شمر حزام وللاجانيب مدهال = شمر نشوش بذكرهــــم لأنذكريا
شمر محاميل الوغى يوم الاحمال = شمر ومن جاهم غزو يستدريا
شمر منابع علم شمر بها أبطال = شمر وفي درب الظلام أستنريا
شمر يفكون المواكر والاقفال = شمر وفيــنا للمكـــارم سبريا
شمر تلاقي بالمسايير الاقبال = شمر وكنه بالعــطايــا نهــريا
شمر كعام الضد شمر بهم سال = شمر وفي قول القصايد بحريا
ولايجهل بشمر سوى تايه ظال = والي جهل مثل البهم والبقريا
أشعلت في قافي قصيدي والامثال = حب القبيله والتهب بالجمريا
وأنا من الصفران ومعرب الخال = وأدري قصيدي بالطنايا قصريا
ولو ينشرى عز الطنايا بالاموال = سقت الدراهم والذهب والدرريا
ويالله بياض الوجه في كل الاحوال = دعوى الذي زار الحرم وأعتمريا
وصلوا على المحمود ماسايل سال = الي بوجه الكفر سيفه شهريا
واسمحولي على القصور اخوكم : نايــــف الناهي
قصيدة شمر لـــ نايف الناهي
العرض العادي
