مصافحه اولى (منهجي)

الملف الشخصي · رقم المشاركة : ( 1 ) 10-09-2008, 01:51 AM

هذه المشاركه الاولى بعنـــوان ((منهجي))

يابومشاري والخواطر من شعور
والنـــوايا مالـــها يمـــك مــســير
ماكتبــت الشعـر في زين القصور
اشهــد انــي كاتبــه لجـت ضـمير
ماكتبتـه من غضب او من سرور
ولا كتبـته ارتجـي نظـــرة وزيــر
أكتبــه بالزيــن والخــد الجهــور
واكتبــه بالنــاس ماني مستشـير
شفت في نطق البشر مثل البخور
وشفت فيهــم بالــوزى شيٍ كثير
مايغــرن بالمجــامل والغــــــرور
ولا اضن احســاس قلبي يستجير
مايغرن بالحجــم كبــر النســــور
ولايغــرن بالزهـــر شم العــبـيــر
ولاجلست بفكــرتي عشرة شهور
القصـــيد بنظرتـــي مالــه جفــير
الجفيــر بنظرتي مـــد الدهـــــور
لاعزيت الحال في نفس المـصير
ماخذيـــت الشعـــر بهـتانٍ وزور
الوهايـــب من لــدن ربٍ بصـــير
(منهــجي) بالشعر نبراسٍ ونور
وابعــد الـــزلات عنــي واسـتنير
ولو كتبت البيت في طيشٍ وجور
اشهد اني بالشعر حبلي (قصيـر)

اتمنى ان تحوز على اعجابكم

الملف الشخصي · 10-09-2008, 03:16 AM

نايف الناهي اول شي حياك الله بمحلك

وصح لسانك جزله من جزل

تقبل مرور جدك محمد الاصفر

الملف الشخصي · 10-09-2008, 05:24 AM

صح لسانك يا نايف

قصيدة جزلة وشاعر جزل

يعطيك العافيه يا الغالي
تقبل مروري

الملف الشخصي · 10-09-2008, 07:31 AM

صح لسانك قصيجه جزله من رجالٍ جزل

مايغرن بالحجــم كبــر النســــور
..........................ولايغــرن بالزهـــر شم العــبـيــر

بيت روعه
لاتحرمنا جديدك