من مايقـول الحـق والله يخافـه
يبي يولّف بك علوم(ن)ماهي فيـك
والديـن والايمـان درب النظافـه
وعن هالطريق يحاول أبليس يغويك
والادمـي لاصـار فيـه أنحرافـه
معاد فرق بيـن هـاذي ولا ذيـك
يعمي نظر عينـه وقلبـه هرافـه
لو أنت من لحمه يبيعك ويشريـك
وحتى عمر اللـي أميـن الخلافـه
من أمة محمد طلع لـه صعاليـك
دامه كـذا مامـن ورانـا مخافـه
ياالعز من بايعك بالـروح نشريـك
ومن لاحسب للطيب مـره وطافـه
ولا يطير بالجنحان لو رفرف الديك
وظخم الجسم والطول عند الزرافـه
والموت له يوم(ن)يبي فيه ياتيـك
وحياة عز(ن) في ظروف و كسافه
ولامجامل الانذال لو كـان تغنيـك
وعيشتك في دارن تزايـد جفافـه
ولا قربت اللـي مايعـزك ويغليـك
اللي على نفسـك تزايـد أهرافـه
ومغير في وسط المجالس يناحيـك
أبعـد عنـه لا تنهـزع للضعافـه
وقل أنت مامثلك ولا حدن يساويك
أبعد عن الرديـان وأهـل اللقافـه
والرزق عند اللي يميتك ويحييـك
والمرجلـه تبـي جهـود وكلافـه
والمال قلـه فـي يـدك مايرديـك
ومن مايشوف الناس محدن بشافه
الناس ماهو له عبيـد(ن) مماليـك
ياللي عليك الطيب قصـر لحافـه
وسواد وجهك من فعولك امغطيـك
مالحقنا مـن يـم بعـدك حسافـه
لا طالت ايامك ولا طـاب طاريـك
من مايقـول الحـق والله يخافـه
العرض العادي
