هلا مرحبا باللي سرى الشعر مع طاريه=غدا للمعاني من ورى رسالته حنه
مثل من سرى والخوف من سريته قافيه=مهرب سلاحٍ قشر الايام حدنه
يبي مبلغ(ن)مدفوعله لوحصل يغنيه=حاديه الفقر والدين وفلوسه أغرنه
وتعرضله اللي قبل لايطوف بلغ فيه=قبل الايطوف الحد جيبين لحقنه
لو أنه شجاع وسايقٍ موتره يزويه=على سرعته مع حنيت الخط ردنه
هذا ينطحه مناك واللي ورى يرميه=ورصاص المدافع يوم يرمون صابنه
وقع وقعةٍ معاد من دونها يمديه=مقادير وطماعه لهدرب ودنه
عقب ماهو حر وكل دربٍ يبي يمشيه=فعوله وهقواته على السجن طشنه
طريح وصويب وبالكلبشه ربط بيديه=وقعد من ندامة نفسه يجره ونه
وعليه أنبدل همه وقام القهر يطويه=وعلى مابه أطماعه من الهم زادنه
وأنا الشعر ماني قايلني وحيدن فيه=لكن التفنن فيه وزيد في فنه
عليه أتكلف لجل من يسمعه يرضيه=مثل من تكلف في محله على بنه
وجامل وساير وقتي اللي ماني باغيه=وعند الله الارزاق والنار والجنه
وسولف لو أن القلب أبه هاجسٍ يكويه=وهمومٍ لمن الناس ناموا يسرنه
وتجيني علوم وماهرج في قفاي أوحيه=ولكنه هرج عندي والأذان سمعنه
ومن يتكل بالله لو قيل فيه وفيه=من الله سواليف الخزا مايضرنه
يعيش النصيح بعز ماعاشبه شانيه=لو أن المكاسب بالدراهم يطغنه
من الموت ماله لا قبل الموت ماينجيه=وسليم النوايا هروج الانذال مشقنه
وخاوي خوين ماتندم من يخاويه=خوين مايلحق فزعته لا فزع منه
هلا مرحبا باللي سرى الشعر مع طاريه
العرض العادي
