بسم الله الرحمن الرحيم
مساكم الله بالخير جميع
والمعذره على الغيبه
ليله من ليالي اول العام....كنت ساري انا و ولد اخوي - فهد- في سفر....
وفهد شوفه ما هوب ذاك الزود عنده ثقب بالشبكيه
الزبده انه رقد وانا السواق والهواجيس انواع واشكال -الهواجيس بالقصيده- ههههههههه
وانا بالدرب جتني تحويله وفيه تريله تبي تدخل التحويله
وتظايقنا بمدخل التحويله و بغينا ندخل تحتها مير الله ستر
مالكم بالطويله.....
نشدني فهد بغيت تصدم؟
قلت له وانت ما رقدت؟
قال اغوفي
وقلت له
يا فهد وانته معي عينك تغوفي = مادريت اني بعد وياك غافي
واتحلم في مخظبت الكفوفي = جادلٍ فيها العقل والزين ظافي
جامعٍ ربي بها زين الوصوفي = وابتلتني بالهوى والله يكافي
شايفن بعيونها عجل الحتوفي = رمشها اخطر من سليلات الرهافي
والنهود اللي خلقها الله وقوفي = كنها الرمان في وقت القطافي
والرجود اللي يغطن الردوفي = من وراها فاتنٍ للعين خافي
يا فهد ياليتها فيني تروفي = جرهدتني خمسة اسنينٍ عجافي
لا درت عني ولا راعت ظروفي = و جهلت درب المحبه والتجافي
يا فهد لو بالنظر يفداك شوفي = دام خلي من قريب ما يشافي
وسلامتكم
قصه وقصيده غطيت على الشرهان
العرض العادي
