السلام عليكم
اولا أعتذر لغيابي الغير مقصود وذلك كان لضروف خاصة.
ثانيا شكرا لجميع من بارك لي بالفوز بالمسابقة ومارديت عليه.
ويقولون قديمك نديمك لو جديدك أغناك وانا جايب لكم قصيدة قديمة وتعتبر اول قصيدة نشرتها في المنتديات ولها مكانة خاصة عندي وعسى أن تنال أعجابكم.
أقول الله يطول أعماركم:
كنك معي وانا فقدتـك مـن ايـام
وان مرنـي طيفـك كأنـي لقيتـك
وكني اعرفك قبل اشوفك من اعوام
وانا على دروب الغـلا ماشكيتـك
وكني وحيد والعرب من ورا الشـام
من حر مافيني بحظـورك رثيتـك
ولعتني بوصلك وبـددت الاوهـام
والحين مايغني عن الوصل صيتـك
تعال يمي عقبـك القلـب منظـام
ليتك تبينـي مثـل ماأنـا بغيتـك
لوكان حبك ذنـب طلبـت الاعـدام
ولو أفرجوا عني رجعت وهويتـك
ولو للهوى قانون وشروط واحكـام
كـان بخطايـا غيبتـك اشتكيتـك
وياقلب ياللي كلـك جـروح وآلام
لوكان من كيفـي تـرا ماشريتـك
يفز لك قلـب يـودك مـن العـام
ولولا غلاتـك ماكتبـت ورجيتـك
ودي بوصلك لو مع هـاك الاحـلام
وودي بقربك ساكـن جنـب بيتـك
اشتاقلك واجوع لـك طـول الايـام
والله لوأنـك اكـل يمـدي كليتـك
طعتك ولا لديت فـي هـرج لـوام
ومن كثر ماحبك عشقـت اتكيتـك
والا انت ياللي سلطتك مثل صـدام
على خفوقي ليتـك تحـس ليتـك
حسبي عليك شلون مااشتقت لي دام
اصدق احاسيـس بقلبـي عطيتـك
وترا الوعـد ياناكـر الـود قـدام
لامرت الذكـرى عليـك وطريتـك
تدري لو ان الحب شـاري وسـوام
بعت المحبة واستخرت ونسيتك
دمتم بود
أقلطوا يالصفران
العرض العادي
