ديوان لشاعر الحكمه خلف ابو زويد

الملف الشخصي · رقم المشاركة : ( 1 ) 01-10-2007, 07:34 AM

الشاعر/ خلف ابو زويد السنجاري الشمري....

ولد بالشمال الغربي من مدينة حائل في اطراف نفود جبه التي تبعد عن مدينة حائل
حوالي (100 كلم)
وعاش حياته في احضان النفود متنقلاً بين من يقطنها في ذلك الوقت من القبائل
وطال بقائه بجوار الشيخ ( سطام بن شعلان شيخ الرولة ) ثم ( الأمير محمد بن عبدالله الرشيد )
امير حائل في تلك الفترة حتى وافاه اجله بعد عمر جاوز المئة عام بقليل
وقد اشتهر الشاعر ( خلف ابو زويد ) في قصائده بالحكمة وضرب المثل للناس
وكانوا الناس في ذلك الوقت يقومون بحل مشاكلهم ببعض من حكمته وامثلته التي سارت
مع الناس الى يومنا هذا....

واشتهرت معضم قصائده بوصفه الدقيق والنادر للأبل الأصيلة....
تزوج ابو زويد عدة نساء رزق من احداهن بإبنه ( دخيل ) الذي يسند عليه في اغلب قصائده
وله احفاد لايزالون على قيد الحياه وهم أبنا لحفيده ( عثمان ) رحمه الله....

(1)
قصيده يوصي به ولده دخيل

دخيل خذ مـن والـدك لـك مسالـه @ مسالـةٍ مايفهـمـه كــل رجــال
احشم خويـك عـن دروب الرزالـه @ تر الخوي عند الاجاويـد لـه شـان
والمرجلـه بالـك ترخـي حبـالـه @ حذرا تعيـل ولاتراخـى لمـن عـال
البـل يفتـل مـن وبرهـا عقـالـه @ والخيل تزلـج بالشبيلـى والاقفـال
ان كان ماتدعـى علـى كـل قالـه @ تراك من حسبـة هـدومٍ لـه ازوال
وان كـان دلـوك ماتموحـه شمالـه @ تر النشاما ينسفونـه علـى الجـال
رفيقـك الدانـي ليـا شفـت حالـه @ احمل عليك مـن المعاليـق ماشـال
ياعـل رجـلٍ شوفتـه قـد حـالـه @ عسى تـدور زوجتـه فيـه الابـدال
الحمّـرة تـدرك معيـشـة عيـالـه @ لاعاد مايبغـى منـه بـاق الاحـوال
وان صار لك من عوص الانضا زماله @ حمرا تورد بـك ليـا صنقـر الـلال
تمرس كما تمـرس خطـاة المحالـه @ مع سهلـةٍ عمّّـال مـن جامعـه ذال
خلـه مـع الديـان تمشـي لحالـه @ ياصار ماانت لمسـة الخشـم حمـال
تـر ربـع يـومٍ مجلسـك بالشكالـه @ يسوى حـلالٍ عايشيـن بـه انـذال

(2)

راكب اللي مـا يعـوزه تواصيـف @ حمراء تورد به ليـا سـرب الـلال
قب الضلـوع وطولهـا بالأطاريـف @ شقرا شعر به من تحت تقل سروال
يزال جفله للخلاوي علـى الكيـف@ عاقل تحض المزهبه ليـن تشتـال
ويروحـه مـع وادي ذل ومخيـف @ ركّابها عـده عـن الجيـش خيـال
ويا درهمة تشدى سريع الشواحيف @ يكتلـه مـوج ٍبعيـد عـن الجـال
منوة غريـب دون حيـه مياهيـف @ اللي من الثنتين يامـن بـه الـذال
تلفـي لربعـي نازليـن الأطاريـف @ نزّالة الحـزم المطـرف ليـا سـال
ربعي هل الطولات وتكـرّم الضيـف @ ربعي هل الردات ماضيـن الأفعـال
بتفرّق الشوفـات ياحيـف ياحيـف @ الله لحـد ماطـاح بالفكـر رجــال
الفكر ساس الحظ والفعـل بالسيـف @ والعـز بجمـع الرفاقـة والأفعـال
وليا ضاع فكرك شاور اهل المعاريف @ الله جعـل لمـدوّر الفكـر الأسيـال
ولا تشاور إلا من يخوّفك ويخيـف @ يتيه راي مشـاور البايـه الضـال
ولا تطيع مقرود ٍ يدربيـك بالهيـف @ وليا سرا بك قبلـة تصبـح شمـال
بير العيا من طببه قيل مـا شيـف @ همج ٍ ولا عمره ظهر منـه حيـال
وصيّور ما للقالات تاتـي مناكيـف @ وتصير كسبات الفشايل لمـن عـال
ياناس بقنـا الله بكثـر المحاليـف @ هو الذي عنـده ميازيـن الأعمـال

(3)

ياراكب اللي كن فخذه مـن الجيـم @ ماسومها الكفه على الساق وهـلال
ابوه وضيحـانٍ مضربـه سليهيـم @ وجده فحل شعلان من زمل شـوال
عليه حلايا وصـف قـوادة الريـم @ شقرا وغاشٍ وركها مثل الاشعـال
لا هي قمر لا ريح لا شين لاغيـم @ ولا هي قطاةٍ حاديه واهـج الـلال
فيحا ومشيه بالعصـا دوب تيميـم @ ركابها عده عـن الجيـش خيـال
عليه دليـلٍ مـا بمشيـه تعاويـم @ قـطـاويٍ اوي والله مـرســال
مدت من الخابور من قبـل تقديـم @ وبالمد الايمن ركب الجدي بشمـال
خل الغراب ايمن منك صوت او قيم @ ووادي المياة ايسر منك هو وماسال
ومن عند لاهي بس خلـه تراهيـم @ وخله تروح بك مع الخـر زرفـال
خله تسهم بك مـع الخـر تسهيـم @ والخامسه تشرب من الحزل زلـلال
ومن الصليمي خشم ربدا الى دهيـم @ ويا ما تطالع من رهاميـن وازوال
بخور الخماطيـة رجـوعٍ مقاويـم @ ربعي هل الطولات ماضين الأفعـال
ربعي لذيـدان المعـادي مجاريـم @ كـم بـدريٍ باسبابهـم راح وبـال
الظهر عنـد مولـم الـزاد توليـم @ مره على البايـح هجـورٍ وفنجـال
والعصر عنـد مذبحيـن المراديـم @ اهـل دلالٍ بـس تقليـط وارسـال
شيـوخٍ وحكـامٍ وحصـنٍ نواهيـم @ ضياغمٍ لا شافـوا الـزول زعـال
اللي عطاه الفيـن بيـتٍ بتقسيـم @ وانا عطوني مثولـثٍ كنـه الجـال
ياما عطت يمناه من طرش وغنيـم @ وياما عطت يمناه معهن من المـال
ماقلتهـا ادرا ولا زاحمـن ضيـم @ ولا خايفٍ منهـم ولانـي بعـد ذال

(( يتبع ))

الملف الشخصي · 01-10-2007, 07:59 AM

5 ـ

أبديت أنا هاجوس قلبي بقيلـي @ ماهي هواجيس القلوب الهبايـل
هرجات ماهولس بهن الهبيلـي @ مثايل من رمعـة العقـل قايـل
دخيل كان أنك لهرجـي تشيلـي @ هرج يدل اللـي يتيـه القوايـل
ياصاحبـي وداعتـك يادخيلـي @ ودعتك اللي ما يبوق الرسايـل
خويك اللـي بالخلالـك وكيلـي @ لوزن عنـدك زلـة لا تسايـل
وأحذرك عن رفقة خطاة الرذيلي @ ماينبذر بلّـي يغـط ّ الجمايـل
صديقك اللي قبل جيلك وجيلـي @ صديق جدك بالعصور الأوايـل
لاتطيع به حكي العرب والنقيلي @ عدّل معه شيله الى صار مايل
وعدوّك اللي بغض جده محيلـي @ تاتيك لو صافاك منـه النقايـل
وأفهم ترى باقي العرب مايضيلي @ ياصاحبي ماغير ربعك صمايـل
أصبر تصير بعين ربعك جليلـي @ صبرك يجنبك الدروب الرذايـل
الصبر يودع باب حظك طويـل @ وخل الهبايـل تايهيـن الدلايـل
ياصاحبي حذراك بالـك تعيلـي @ ارتك على العاقل اللي جاك عايل
ياصاحبي حذراك تنسى الجميلي @ ولاتنفع اليمنـى بليـا شمايـل
الكد يصلح بالحصان الأصيلـي @ اللي يهـدد بالجيـاد الأصايـل

6 ـ

انا هوا بالي خطات السجلـه @ هذا هوا نفسي وغاية مرادي
ان غاب عنها كافره واسفهله@ ياتقل له رب المقادير هـادي
يابركن عوص النضا بالاضله @ بالقايله تلقى قرينـه يـدادي
حمرا ومذنب عينها تقل غله @ مثل لهيب النار لولا السوادي
حمرا بطولٍ باتسـاعٍ بجلـه @ حمرا وتقل مولفه لك ستادي
ياجللوا دهم القرب بالاجلـه @ والما بعيدٍ حال دونه حمادي
ياوردن مع سهلةٍ مـا تدلـه @ عليه ردي الخال ماله جلادي
لحاقة المقفي ولا يلحقن لـه @ حمرا سنادٍ غاربه للشـدادي
تشدا تهنفل خفرةٍ جاه خلـه @ متغربٍ عقب البطا جاه بادي

7 ـ

القلب يبرم بالهواجيـس ويديـر @ من جادل جتها طوارف اطروشه
قام الفهيم وصخر القيل تضخيـر @ قرايض مـا ولفوهـا الدحوشـه
والله يالولا باقي الناس لا اشيـر @ اخاف من ناس تنثـر اقفوشـه
لاقول عجـوا بالبنـي الغناديـر @ وعزي لمن له عشقه ما يحوشه
مصور منبوز الارداف تصويـر @ تصوير وشحا نايشتها اعطوشـه
لا بالقصار ولا الطوال الطناطيـر @ ولا بالغلاظ ولا دقـاق نشوشـه
خده من الموت الحمر به دواوير @ كن الصعيوي دورجن في نقوشه
خده عفر واصفر كما ذوبه الكير @ والخشم مصقول بلمـات هوشـه
والردف شط امتيه له علي ضير @ امه جضور وراعية مـا ينوشـه
والا يشادي نابيات ال****يـر @ عقب الهبوب ونايشتها رشوشه
وثنيوات التـرف غـر مغاتيـر @ من شافها يسقم علي اردا معوشه
والعين غين اللي بروس العناقير @ نجل سواد عيونها مع ارموشـه

8 ـ

يا الله يعالـم خفيـات الاسـرار @ حليـم ماتخفـا عليـك الجحـاده
تفرج لقلـب دب الايـام محتـار @ الى قلت هـود جـاه يـوم وزاده
قلب غدا لمذلق الشوك محضـار @ سـدر بساتينـه وطلـح بـلاده
من عقب ذاياركبن فوق مزعـار @ مافوقـه الامزهبـه مـع شـداده
حمرا سناعينه تشادي سنا نـار @ تلقب كما المشهاب عقب السواده
عين العديم الي سمع صيحة الجار @ وعىولـه عندالملازيـم عـاده
تلقى فهد وتبلغـه كـل الاخبـار @ العلـم كلـه داخـل فـي فـواده
ان ساعفت دنياك فالحبـل **** @ النفس ماتنسـا طـوارى مـراده
ما من قلوب حيل كله بها اعشار @ غيب والادريويـش حـزة ولاده
تلقح رجال من رجال بالاشـوار @ وكل بحد السيـف ياخـذ سـداده
سبب لقاحه من مدورة الاشـرار @ لقـاح قبسـون قمعهـا زنـاده
والصبر مابـه للفتىكسرةاعبـار @ ليـن لـه الدنيـا تبيـن مقـاده
ان كان ضيف مخطىله على جار @ عزالله انك ناجين مـن سـواده
رعى الزقيميات فىضلع سنجـار @ اخير عنـدي مـن قعادالزهـاده

9 ـ

نجدٍ جفتنا بالمحـل وأبعدتنـا @ ويوم أخصبت حنا هذولاك جينا
لولا محمد ماإفتـدت سابلتنـا @ كان تاخذ الحكام بـاقٍ علينـا

والقصيده اطول من ذالك

10 ـ

ياراكبٍ حمراء تسوف العراقيـب @ حمراء تسوف كعوبها بي سبيبه
تلفي لهل العلياء هم منقع الطيب @ ونعمين بالعلياء ومن ينتخي بـه
رويلات والله مابهم عد أجانيـب @ ولا منهم اللي نازحٍ عن قريبـه
سطام مثلك ماحمل به ولا جيـب @ من مطلع البيضا لغربـي مغيبـه
مايستوي للبيض غيرك ضواريب @ البيض خطو المشتبه وش تبي به
ياشوق من عيّت على كل خطيّب @ قبلك على كل القبايل عصي بـه

والقصيده اطول من ذالك