بسم الله الرحمن الرحيم
السلام عليكم ورحمة الله وبركاته
هذي مساجله بيني وبين الشاعر تركي بن ذعذاع السقياني المطيري
سندت عليه بعد ما شفت منه المواقف الطيبه
قلت
المرجله ماكل رجلن رقابها = هذا دنا عنها وذاك اعتلابها
احدن درى بالمرجله وين دربها = واحدن جهلها مادرى وين بابها
مير اكسب الطيب واماري بخوته= واثني عليه بفعلتن ينثنابها
واليا بدت لي حاجته حال جبتها =واليا بدت له حاجتي فز جابها
على المراجل خوتن نفتخر بها =وكلن يسابق صاحبه في ركابها
على المراجل خوة الطيب تنذكر = كلن ذكرها خير من طيب مابها
ولا شك تركي مقصدي في مثايلي = مثايلن ما كل فكرن سخابها
تركي ابن ذعذاع في وقت غربتي = كني قريبن مادرى وش غرابها
كني اخوه اللي مطول بغيبته = ويومن لفاه احلى التراحيب جابها
قرمن كريمن ما حسب يوم خردته = يومن ولد اللاش يدبل حسابها
من لابتن في ساعة الحرب والوغى = فعولهم بالبيظ يشهد خظابها
من لابة سقيان من لابة الفخر = وسلومهم بالطيب كلن درى بها
هذاك تركي والبلا اليوم مبتعد = وسط الديار اللي تطاول هظابها
لا ادري عن علومه وقفى بدنيته = والعين في شوفه تكاثر طلابها
من عقب جمعه خاطري ما يملها = النفس عقب البعد ما كبر مصابها
والله لولا الزام وظروف دنيتي = لانصا ديارن سعد منهو مشابها
وابلغه صادق سلامي وبنشده = حيثه فهيمن والمراجل علابها
ابنشده عن حاجتن مستشكها = مدري اشوف الحق ولا سرابها
الرجل لامنه تبلى بعشقته = ثم ابتدا وصل الغلا مع جنابها
عذرا بها من زينها شي يفتنه = من بدع ربي خلقها والحلابها
عذرا يظيع الهم لاشاف زولها = وان ظاق في دنياه وسعه لقابها
حبن على وظح النقا ما يشوهه = فعل الخبول الي يبن زلابها
هو ينزله عند العرب من مكانته = او هو يشوه سمعته لانطرى بها
يا تركي الذعذاع طالب مشورتك = مشورتن يبدا بها وينتهى بها
وهذا رد تركي
عد الرعود الي ترادم سحابها = لا ناظ فيها البرق وانهل مابها
ووقفت على دارن من القت يابسه = لين المزون الغر تروي ترابها
يامرحبا ياراعي الطيب والكرم = ورسالتن وجهتا مرحبابها
جتني حروفن سرها في سطورها = يسعد مسى اللي من ظميره لفابها
يشكي عنا دنيا كفى الله شرها = يا سرع روغتها وسرع انقلابها
والمرجله ماتقف الناس دونها = ودروبها من دلها ما غدابها
رحله وذكر افعال اهلها مطارها = ايابها يروي خوافي ذهابها
وانتم هل الميقاف والحق ينذكر = روسن طحاطيح الاوادم تهابها
اسييوفكم تطرح من الراس هامته = حدبن مخاظيب الدمي نصابها
وفعولكم ما تنحصي لو اعدها = ياكم من ارواحن قصبتو شبابها
سبعان لا جت الحقايق وبينت = عزوه ولا هان الذي اعتزابها
ويدانكم ما صافحت غير مثلها = وسلومكم سلم الرجال التوابها
ويابو فهد ياقرم مانسى مواقفك = يا شاعرن يزهى البيوت وزهابها
خوتك يالزيزوم عزن يعزني = تكفي وخوة ناس مايكتفابها
شاورتني في حاجتن يوم قلتها = ذكرتني هم القلوب وعذابها
دام المحبه صافيه لا تهدها = ماهي جريمه تبتعد لارتكابها
بس ارد عين الما ودور مشايله = وكلن معه عينن يشوف ويرابها
وان كانها من ساس ما يقطع الظمى = عفها ولو يملى ذهبها ثيابها
وان كان منبعها هل العز والفخر = واصل وخل الروح تلقى ثوابها
يقوله الي لاعه الحب والهوى = باع المحبه مرتين وشرى بها
وسلامتكم
مساجله
العرض العادي
