السلام عليكم ورحمة الله وبركاته
مسيتم بالخير يا الربع
هذه اول مشاركة لي في هذا المنتدى أتمنى أن تحوز على رضاكم واستحسانكم
يا نسيمن على المجمول ذعذع براده = يا هنيك بخلي يوم تدهل بجوفه
يا هنيك تمون تمر تحت القلاده = واتجرى وتنثر شيلته في كتوفه
كل ما ساج رجله شفتها فيك عاده = تستميله بلطفك واتحقق وصوفه
ماني والله الومك مير هونك وهاده = ترفن انعم من ورود الحدايق كفوفه
طالبك فيه تبرز من هجوسه وناده = كود من عقب صده يلتفت لي واشوفه
كل ما قلت بقرب شفت منه ابعاده = وكل ما قلت ببعد خالفني طيوفه
نظرتن في وليفي راس مال السعاده = مير وقتي نهاني وحرمني صروفه
كل ما طاح حظي قلت كبوة جواده = وان تنهض وقام صدوف بقعا تحوفه
لو وجودي وجود مكفنن في مهاده = مالحق في حياتن دون خلي حسوفه
ولو وجودي وجودك نال قلبي مراده = مير كلن على ما حتمنه ظروفه
ما غبطتك لحالك قد غبطت الوساده = ليت صدري وساده يوم يغفى واروفه
وسلامتكم يا الربع
نتقبل انتقادكم بصدر رحب ومنكم نستفيد
يا هني النسيم
العرض العادي
