دنيا بها لو ننبسط خمس ساعـات=لضيق والهاجوس فيهـا رجعنـا
مامن مشاكلها هـروب وسلامـات=ومن كثر هرج الناس فيها شبعنـا
نشره وتلحقنا من الناس شرهـات=ويامابها في بعض الاخطا وقعنـا
من دون قصد وركبتنـا ملامـات=وجبنالها عذر الصحيـح ونفعنـا
وذقنا من الايام صفعـه ولوعـات=ومعها جبر حنـا مشينـا وطعنـا
فيها مشينا بالظـروف الصعيبـات=مع كـل دربـآ للمعوشـه نزعنـا
وياما تلقينا من النـاس فزعـات=وياما لناس بمـا قدرنـا فزعنـا
وياما سمعنا من علوم ودعايـات=حطت علينا وتقـل ملهـا سمعنـا
وبالتجربه خضنا بحورن غزيـرات=وفيها خسرنا بالشرا مـن طمعنـا
هاذي حيات الناس ربح وخسارات=يامـا حصدنـا بالحيـاه وزرعنـا
ياما شرينا مـن مواتـر جديـدات=وفي سقوها حنـا شرينـا وبعنـا
ونسعا لكسب المال في كل الوقات=كم طرقتآ لجل المكاسـب قطعنـا
ونفتح لنا حساب ورصيد وبطقات=وياما ضربنا بالحسـاب وجمعنـا
نسيـر وسـرار الليالـي خفيـات=ولجل عنـد اللـي لوجـه ركعنـا
ونخذ مشـوره ونتعـدا مشـورات=ونعرف من اللي نتبعـه لا منعنـا
احدن على شانه ماشينـا زيـارات=ويزتاد به من طيب فعلـه ولعنـا
واحدن لو أنـه مالكلـه محطـات=عنه نجنب لـو عطشنـا وجعنـا
ولو الردي يملك فلوس وعمـارات=وغنا رجل بالخلق عنـه أرتفعنـا
لو صابنا فقر وجفاف ومجاعـات=نقفي عنه لو كان عنـده سنعنـا
ونخاوي اللي له مع الطيب عادات=لـو الفقـر صـاب وحنـا بلعنـا
البارحه مرت ولـو ليلهـا فـات=من ماحصل فيها وشفنا أنوجعنـا
في مجلسآ في صاحبه عشر(هبوات=ياليت ربـي عـن ممـره منعنـا
دنيا بها لو ننبسط خمس ساعـات
العرض العادي
