نصيحه

البارحه ضاقن على الوسيعات * ومنين ماجيبه عجزت اجيبه
دنياك لو زانت يجي له أنعكاسات * وافطن ترى السهله تبدل صعيبه
من خلقة الدنياء ترى الوقت فترات * وكلن بها الفتره يجي له نصيبه
احدن بها عايش حياته مسرات * واحدن حياته كل ابوها مصيبه
وحدن يدش الموت لا شك مامات * واحدن وهو جالس ركز له نصيبه
هذي علومه يالسنافي قديمات * دنياك مبطي يذكرونه غريبه
لا تحسب الايام عنك بعيدات * تر دورت الايام بسرعه غريبه
والفات مات لارجع كل مافات * فكر ابكرى ياترى وش يجيبه
دنياك صعبه بالامور الصعيبات * ومرات تضحك لك وكنه حبيبه
ومرات تقرب لك بعيد المسافات * واللي قريب منك عنك تغديبه
يازينها مرات فوق الطويلات * وياشينها مرات طحت بشعيبه
مايطلعك يا كود رب السماوات * لامن دعيته بالمور الصعيبه
رب يجيب العبد في كل الاوقات * يفتح لك الابواب كله رحيبه
وصلاة ربي عد نور المنارات * على شفيع الخلق بساعه رهيبه

يعطيك العافيه اخوي بداع
تقبل مروري....

الله يعطيك العافيه

قصيده طيبه ومليئه بالحكم

يعطيك العافيه أخ بداع
قصيدة جميلة لكن تحتاج الى عدم تكرار القاف
تقبل تحياتي

صح الله لسانك يالغالي

ولاهنت علي الطرح والسرد الجميل

مميز بما قدمت
و

موفق بما نصحت

لك كل الشكر اخي الكريم

غانم منصور

صح لسانك يابو انور

قصيده جزله يالجزل

سعدون الوبيري لك جزيل الشكر للتوضيح

بس حبيت اوضح ان هناك تكرار واحد بالقصيده

وهناك تكرار بكلمة النصيبه وهي تحمل معنيين ولا تعتبر تكرار

ولاكن هناك تكرار بكلمة غــريبه

ويعطيكم العافية كلكم

الله يعطيك العافيه ابو المياسة اشكرك على التوضيح ولكن نسيت تكرار ثالث غير كلمة غريبه ونصيبة لان نصيبة في البيت الخامس جت بمعنى موته او قبره
دنياك لو زانت يجي له أنعكاسات * وافطن ترى السهله تبدل صعيبه
مايطلعك يا كود رب السماوات * لامن دعيته بالمور الصعيبه
ولكن لا يمنع من كون القصيدة جميلة ونصائح في قمة الروعة

مشكورين

الله يعطيك العافيه
ولاهنت
شاكرا ومقدرا لك