الفـول برياليـن والخبـز بريـال

كريم يابرق(ن) سرىا الليـل كلـه=ليله ظلام وبارقـه يشعـل اشعـال
ومزنه مـرودم والهـواء راكدلـه=والما منه ينزل على الارض شـلال
سبحان مـن انشـاه فـي قدرتلـه=وبمره يسوق ويتجه ويـن ماقـال
كونه بخار ووسطـه المـا يشلـه=ومن البحر ساقه لوديـان وجبـال
ويسقي به ارض(ن) الدهر جاريلـه=يحيي شجرها عقب موته والا محال
يرعد ويبـرق والهـواء سايقلـه=بامر الولي عالم خفيـات الحـوال
رب(ن) عنـه ماخافيـن شـئ لله=يعلم خفايا الخلق صـادق ودجـال
والارض ملكه والسما تحـت ظلـه=وهو الذي عنـد المهمـات ينسـال
ومن بعد ذكر اللي فـرض قبلتلـه=سر ياقلم وكتب جديـدات الا مثـال
اكتب وعبر والخطـا عنـك زلـه=في خط واضح واعدل الحرف لامال
اكتب وحبرك دمع عيـن(ن) تهلـه=ادموع عين(ن) من عنا الوقت همال
اكتب كلام اللي نـزح عـن محلـه=بينه وبينه الف كيلوا بـالا ميـال
الياطرالـه قــام هـمـه يتـلـه=قامت هواجيسه تحده علـى الجـال
والرجل يعرف كيـف دربـه يدلـه=ولا غدا مع قـول عـاذل وعـذال
لا تعيش فـي عيشةاهانـه وذلـه=لوانت تسكن في خـلا مابـه ازوال
ودرب(ن) تشوف به المماشي مخله=جنب عنه والدرب الا قشر للا نذال
وفل الحجاج مـع الرجاجيـل فلـه=اليا احترمت الناس عـدوك رجـال
والناس تتبـع واحـد(ن) ماتملـه=ومن عال يمه عالو الناس لاعـال
لون بعض النـاس بلشـه وعلـه=حاول عنه تبعد بلا هـرج وجـدال
لا تجادله تبلـش معـه باالجدلـه=وينشر علومك ناقل القيـل والقـال
والا اليـا منـك تكلـمـت قـلـه=قول(ن) يخلي وجهه الوان وشكـال
حتى يحسـب قعبهـا كلمـت لـه=بعض السوالف مالها ساس وهبال
والرجل يعرف من طرف هرجتلـه=هرجه يبين ماطرالـه علـى البـال
وحذرا الردي حذرا تخاويـه خلـه=لوهو رقا لمنصب ولوهو ملك مـال
انتـه خويـه لابــدت حاجتـلـه=واليا بدالك حاجت(ن) فيه ماسـال
ولوطـاب مـده عـود لعادتـلـه=ماله مع اهل الطيب حض(ن) ولافال
اسـال مجـرب والتجـارب مدلـه=التجربـه درس(ن) مثبـت وفعـال
خاويت ناس(ن) من جميع الشكلـه=وفي ماخلق ربي تهـول وتهتـال
احد(ن) خلاف الربـع دايـم يحلـه=واليا حضر ينحل بالحال الاشكـال
واليا فـزع يعجبـك فـي فزعتلـه=وطيبه مع الاجناب والربع باالحـال
وايض تنومـس للخـوي خوتلـه=طيب وله باالطيب مخرج ومدخـال
وحـد(ن) ردي وفاشلـه سمعتلـه=وشره على الاقراب والعم والخـال
وحد(ن) تعجب منـه فـي هيبتلـه=ولاقـال يفعـل ميتـردد اليـاقـل
وتشوف فرق اخون وخو باالجبلـه=باالطيب والمذهب وهم نسل رجـال
واللي تشوفه خـارب(ن) مذهبلـه=ابعد عنـه جعلـه لمليـون سـلال
ماانته ا بمجبور(ن) علـى قربتلـه=لو انته تخاوي هنـود(ن) ونيبـال
وزل الخطا عن صاحب الطيب زله=وخويك ادمح زلتـه ونـس ماقـال
يمكن تجي كلمـه مهـي مقصدلـه=احذر يجيك من الخطا شك وجفـال
الرجـل مالـه باالعمـر مكسبلـه=والله لا قالو رجـل طيـب وعمـال
ياجامـع(ن) للـمـال ومخزنـلـه=وش يستفيد الرجل من جمعت المال
ان ماوقـف بـه لا بـدت عازتلـه=لامات من ماله ماغير الكفن شـال
ماالله خلف فـي هاالحيـاة اتعبلـه=والمال بالي والعمر باالمثـل بـال
واللي يفكـر بـس فـي عيشتلـه=الفـول برياليـن والخبـز بريـال

صــــــــــــح لســــــــانك يـــــا أبــــــو فيـــــصــــل
واللي يفكر بس في عيشتله *** الفول بريالين والخبز بريال
كم أنت مبدع يا أبا فيصل

قصيدة جزلة فيها العديد من الحكم
ما اقدر اقول الا صح لسانك

ولا تحرمنا من قصائدك
تقبل مروري
سعدون الوبيري

صح لسانك يالجزل قصيده جزله من شاعر جزل

ننتظر جديدك

تقبل كل ود واحترام لشخصك الكريم

صح لسانك ويعطيك العافيه

خليف الوهيداني
صح لسانك ابدعت في هذه الرائعه
ولاكن:
مارايك بهالبيت
ان كان همك بالزمن بس لقمتك,,,,,الفول بريالين والخبز بريال
سعد بن جدلان

اقتباس   المشاركة الأصلية كتبت بواسطة ابوالمياسة صح لسانك يالجزل قصيده جزله من شاعر جزل ننتظر جديدك تقبل كل ود واحترام لشخصك الكريم

صح بدنك

ومشكور على مرورك

لاهنت

لك احترامي

اقتباس   المشاركة الأصلية كتبت بواسطة عصويد الشمري صح لسانك ويعطيك العافيه

اقتباس   المشاركة الأصلية كتبت بواسطة سعدون الوبيري صــــــــــــح لســــــــانك يـــــا أبــــــو فيـــــصــــل واللي يفكر بس في عيشتله *** الفول بريالين والخبز بريال كم أنت مبدع يا أبا فيصل قصيدة جزلة فيها العديد من الحكم ما اقدر اقول الا صح لسانك ولا تحرمنا من قصائدك تقبل مروري سعدون الوبيري

صح بدنك

ومشكور على مرورك

لاهنت

لك احترامي

اقتباس   المشاركة الأصلية كتبت بواسطة عصويد الشمري صح لسانك ويعطيك العافيه

صح بدنك

ومشكور على مرورك

لاهنت

لك احترامي

اقتباس   المشاركة الأصلية كتبت بواسطة متعب المنيعي خليف الوهيداني صح لسانك ابدعت في هذه الرائعه ولاكن: مارايك بهالبيت ان كان همك بالزمن بس لقمتك,,,,,الفول بريالين والخبز بريال سعد بن جدلان

هلابك

وصح بدنك وماخطه قلمك جميل

باي ملاحظه انا اقدر من يلاحظ وينتقد واذا كان ملاحظة ونقده محله

انا استجيب له واسمع رايه واخذ وعطي معه

فالفول بالريالين والخبز بريال ماقول اخذتها من بن جدلان ولا اقول بن جدلان اخذها مني فهي شهرت القصيده التي امامك وشهرتني معها

ويمكن تكون انت من الشاهدين علي او على بن جدلان مع ان هذا الشطر لايضر ولاينقص من قصيدتي شي بس انا جبته

من افكاري بدون اطلع على قصايد بن جدلان فاللي ابي منك متى سمعت هذا الشطر وباي تاريخ من سعد بن جدلان اهل

انت سمعت قبل سنه او اكثر حتى اثبت لك تاريخ القصيده الموجوده امامك

ولك جزيل الاحترام

السلام عليكم ورحمة الله وبركاته
صح لسانك جزل يالشاعر الجزل لا تحرمن من جديدك لك

اعجابي تقبل مروري